Taar man ki Tumhi se Judi hi rahe, Aatm Jyoti Sabhi ki jagi hi rahe
Aarzoo hai yahi ki teri god mein, Baba hasti har ek zindagi rahe
1. Ho hriday mein nahi, badle ki bhawna
Sabki khatir sada ho ye shubh kaamna
Ur mein prabhu preeti sabke basi hi rahe
Baba hasti har ek zindagi rahe...
2. Vishwa saara hamara ye apna hi ghar
Sabke hum sab hamare hi aaye nazar
Har dagar phoolon se yun, Saji hi rahe
Baba hasti har ek zindagi rahe...
3. Bhoole bhatke unhe paas laana humein
Jo mila hai unhe bhi, Dilaana humein
Ye lagan dil mein har dam lagi hi rahe
Baba hasti har ek zindagi rahe...
No comments:
Post a Comment